ലോസ്ആഞ്ജലസ്: കളിത്തോക്കുമായി ഭീഷണിപ്പെടുത്തിയ ഹോളിവുഡ് നടിയെ പൊലീസ് വെടിവെച്ചുകൊന്നു. വെനേസ മാര്‍ക്വസാണ് കൊല്ലപ്പെട്ടത്. കാലിഫോര്‍ണിയയിലെ പാസാഡിനയിലായിരുന്നു സംഭവം.
49കാരിയായ വെനേസയുടെ വീട്ടുടമയാണ് പൊലീസിനെ വിളിച്ച് വീട് പരിശോധിക്കണമെന്നും നടിയുടെ ക്ഷേമമന്വേഷിക്കണമെന്നും ആവശ്യപ്പെട്ടത്. ഇതുപ്രകാരമാണ് പൊലീസ് എത്തിയത്. തുടര്‍ന്നാണ് നടി കളിത്തോക്ക് ചൂണ്ടി പൊലീസിനെ ഭീഷണിപ്പെടുത്തിയത്.
തോക്ക് ചൂണ്ടിയാണ് നടി വീടിനു പുറത്തേക്ക് എത്തിയത്. എന്നാല്‍, ഇത് കളിത്തോക്കായിരുന്നു എന്ന് പൊലീസ് ഉദ്യോഗസ്ഥര്ക്ക് മനസ്സിലായില്ല. നടി വെളിപ്പെടുത്തിയതുമില്ല. തോക്ക് താഴെയിടാന്‍ ഉദ്യോഗസ്ഥര് പല പ്രാവശ്യം ആവശ്യപ്പെട്ടെങ്കിലും വെനേസ തയാറായില്ല. തുടര്‍ന്നാണ് പൊലീസ് വെടിയുതിര്‍ത്തത്.
ഹോളിവുഡിലെ ശ്രദ്ധേയ ടി.വി സീരിസായ ‘ഇ ആര്‍’ലെ കേന്ദ്ര കഥാപാത്രത്തെ അവതരിപ്പിച്ചതിലൂടെ പ്രസിദ്ധയായ താരമാണ് വേനെസ മാര്‍ക്വസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.