കൊളംബോ: ഇൗസ്റ്റർ ദിനത്തിലെ ഭീകരാക്രമണത്തിെൻറ പശ്ചാത്തലത്തിൽ നിർത്തിവെച്ച ഓ ൺ അറൈവൽ വിസ സേവനം ശ്രീലങ്ക പുനഃസ്ഥാപിക്കുന്നു. 39 രാജ്യങ്ങളിൽനിന്നുള്ള പൗരന്മാർ ക്കാണ് ഈ ആഗസ്റ്റ് ഒന്നുമുതൽ സേവനം ലഭ്യമാകുക. ഏറ്റവും കൂടുതൽ സഞ്ചാരികളെത്തുന്ന ഇന്ത്യക്കാർക്കും ചൈനീസ് പൗരന്മാർക്കും സേവനം തൽക്കാലം ലഭ്യമാക്കില്ല.
രാജ്യത്ത് വിനോദസഞ്ചാര മേഖല പ്രോത്സാഹിപ്പിക്കാൻ ലക്ഷ്യമിട്ടാണ് മേയ് മുതൽ ഒക്ടോബർ വരെ മാസങ്ങളിൽ ഓൺ അറൈവൽ വിസ പ്രഖ്യാപിച്ചിരുന്നത്. താൽക്കാലിക അടിസ്ഥാനത്തിൽ നടപ്പാക്കുന്ന പദ്ധതി വിജയം കാണുന്നതോടെ ഇന്ത്യയിലും ചൈനയിലും ഇത് പ്രാബല്യത്തിൽ വരുത്താനാണ് തീരുമാനം.
യു.കെ, യു.എസ്, ജപ്പാൻ, ആസ്ട്രേലിയ, കനഡ ഉൾപെടെ രാജ്യക്കാർക്ക് ഓൺ അറൈവൽ വിസ ലഭിക്കും. 2019 ആദ്യ മൂന്നു മാസങ്ങളിൽ രാജ്യത്ത് 7,40,000 വിനോദ സഞ്ചാരികളാണ് എത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.