ബം​ഗ്ലാ​ദേ​ശി​ൽ ഡെ​ങ്കി​പ്പ​നി പ​ട​രു​ന്നു; ഈ ​വ​ർ​ഷം മ​രി​ച്ച​ത് 900ത്തി​ലേ​റെ പേ​ർ

ധാ​ക്ക: ബം​ഗ്ലാ​ദേ​ശി​ൽ ആ​ശു​പ​ത്രി സം​വി​ധാ​ന​ത്തി​ന് കൈ​കാ​ര്യം ചെ​യ്യാ​വു​ന്ന​തി​ന​പ്പു​റ​ത്ത് ഡെ​ങ്കി​പ്പ​നി പ​ട​രു​ന്നു. ഈ ​വ​ർ​ഷം ഇ​തു​വ​രെ 909 ആ​ളു​ക​ൾ മ​രി​ച്ചു. രാ​ഷ്ട്ര ച​രി​ത്ര​ത്തി​ലെ ഏ​റ്റ​വും മാ​ര​ക​മാ​യ ഡെ​ങ്കി വ്യാ​പ​ന​മാ​ണി​ത്. ഗ്രാ​മ​പ്ര​ദേ​ശ​ങ്ങ​ളി​ൽ അ​തി​വേ​ഗം പ​ട​രു​ക​യാ​ണ് ഈ ​കൊ​തു​കു​ജ​ന്യ രോ​ഗം. രാ​ജ്യ​ത്തെ 64 ജി​ല്ല​ക​ളി​ൽ ഡെ​ങ്കി വ്യാ​പി​ച്ച​താ​യി ലോ​കാ​രോ​ഗ്യ സം​ഘ​ട​ന​യു​ടെ റി​പ്പോ​ർ​ട്ടി​ൽ പ​റ​യു​ന്നു. ഡെ​ങ്കി​പ്പ​നി ബാ​ധി​ച്ച​വ​രെ റീ​ഹൈ​ഡ്രേ​റ്റ് ചെ​യ്യാ​ൻ ഉ​പ​യോ​ഗി​ക്കു​ന്ന ഇ​ൻ​ട്രാ​വ​ണ​സ് ഫ്ലൂ​യി​ഡു​ക​ളു​ടെ ക്ഷാ​മം നേ​രി​ടു​ന്നു​ണ്ടെ​ന്നും ആ​വ​ശ്യം വ​ർ​ധി​ക്കു​ന്ന​തി​ന​നു​സ​രി​ച്ച് ഫാ​ർ​മ​സി​ക​ൾ മ​രു​ന്നു​വി​ല കു​ത്ത​നെ കൂ​ട്ടി​യെ​ന്നും റി​പ്പോ​ർ​ട്ടു​ണ്ട്. ജ​ന​സാ​ന്ദ്ര​ത​യേ​റി​യ ന​ഗ​ര​മാ​ണ് ധാ​ക്ക. ന​ല്ലൊ​രു ശ​ത​മാ​നം ആ​ളു​ക​ൾ താ​മ​സി​ക്കു​ന്ന​ത് ശു​ചി​ത്വ​മി​ല്ലാ​ത്ത ചേ​രി​ക​ളി​ലാ​ണ്. അ​ട​ഞ്ഞു​കി​ട​ക്കു​ന്ന ഡ്രെ​യി​നേ​ജി​ൽ കെ​ട്ടി​ക്കി​ട​ക്കു​ന്ന വെ​ള്ളം കൊ​തു​കു​ക​ളു​ടെ പ്ര​ജ​ന​ന കേ​ന്ദ്ര​മാ​വു​ന്നു. പ​രി​ശീ​ല​നം ല​ഭി​ച്ച ഡോ​ക്ട​ർ​മാ​രെ​യും വി​ദ​ഗ്ധ​രെ​യും രാ​ജ്യ​ത്ത് വി​ന്യ​സി​ച്ച​താ​യി ലോ​കാ​രോ​ഗ്യ സം​ഘ​ട​നാ മേ​ധാ​വി ഡോ. ​തെ​ദ്രൂ​സ് അ​ദാ​നോം ഗ​ബ്രി​യെ​സു​സ് വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.