വാഷിങ്ടൺ: യു.എസിന്റെ ടെലികോം റെഗുലേറ്ററി അതോറിറ്റിയായ ഫെഡറൽ കമ്യൂണിക്കേഷൻസ് കമീഷൻ (എഫ്.സി.സി) ചെയർമാനായി ബ്രൻഡൻ കാറിനെ നിയമിച്ച് നിയുക്ത പ്രസിഡന്റ് ഡോണൾഡ് ട്രംപ്. അഭിപ്രായ സ്വാതന്ത്ര്യ പോരാളിയാണ് കാറെന്ന് ട്രംപ് പറഞ്ഞു. മെറ്റ, ഗൂഗ്ൾ ഉൾപ്പെടെയുള്ള വൻകിട ടെക്നോളജി കമ്പനികളുടെ കടുത്ത വിമർശകനാണ് കാർ. അമേരിക്കക്കാരുടെ അഭിപ്രായങ്ങൾ ടെക് കമ്പനികൾ സെൻസർ ചെയ്യുന്നെന്നാണ് അദ്ദേഹത്തിന്റെ അഭിപ്രായം. കമീഷനെ സ്വന്തം നിയന്ത്രണത്തിൽ കൊണ്ടുവരുകയാണ് ട്രംപിന്റെ നീക്കത്തിന് പിന്നിലെന്നാണ് റിപ്പോർട്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.