റോം: കൊറോണ വൈറസിനെതിരെ വാക്സിന് കണ്ടെത്തിയെന്ന അവകാശവാദവുമായി ഇറ്റലി രംഗത്ത്. ഇറ്റാലിയൻ ഗവേഷകർ പുതുതായി വികസിപ്പിച്ച വാക്സിൻ എലികളില്‍ പരീക്ഷിച്ച് വിജയിച്ചെന്നും മനുഷ്യരിൽ വിജയിക്കുന്ന ആദ്യ വാക്സിൻ ആയിരിക്കും ഇതെന്നുമാണ് ഇറ്റലിയുടെ അവകാശവാദം.
കോശങ്ങളില്‍ ആൻറിബോഡികള്‍ നിർമിക്കാൻ കഴിയുന്ന വാക്സിൻ കൊറോണ വൈറസിനെ നിര്‍വീര്യമാക്കിയെന്ന് പരീക്ഷണങ്ങളിൽ കണ്ടെത്തിയതായി ഇറ്റാലിയന്‍ വാര്‍ത്താ ഏജന്‍സി അന്‍സ റിപ്പോര്‍ട്ട് ചെയ്തു. കൊറോണ വൈറസിനെതിരായ വാക്സിന് വികസിപ്പിച്ചെടുക്കാനുള്ള ഗവേഷണങ്ങളുമായി വിവിധ രാജ്യങ്ങള്‍ മുന്നോട്ടുപോകുമ്പോഴാണ് ഇറ്റലിയുടെ അവകാശവാദം. റോമിലെ സ്പല്ലാന്‍സാനി ആശുപത്രിയിലായിരുന്നു വാക്സിന് പരീക്ഷണം.
"കോശത്തിലെ കൊറോണ വൈറസിനെ വാക്സിന് നിര്‍വീര്യമാക്കി. ഇനി പരീക്ഷണത്തിൻെറ നിര്‍ണായക ഘട്ടമാണ്. വേനല്‍ക്കാലത്തിന് ശേഷം മനുഷ്യരില്‍ നേരിട്ട് പരീക്ഷിക്കാനുള്ള ഗവേഷണം പുരോഗമിക്കുകയാണ് " - വാക്സിന് വികസിപ്പിച്ച ‘ടാകിസ്’ സ്ഥാപനത്തിന്റെ സി.ഇ.ഒ ല്യൂഗി ഔറിസിചിയോ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.