മ്യാന്മർ സൈ​നി​ക വിമാനം മിസോറമിൽ തകർന്നുവീണു; എട്ടുപേർക്ക് പരിക്ക്

ഐ​സ്വാ​ൾ: മി​സോ​റ​മി​ലെ ലെ​ങ്പു​യി വി​മാ​ന​ത്താ​വ​ള​ത്തി​ൽ ലാ​ൻ​ഡി​ങ്ങി​നി​ടെ മ്യാ​ൻ​മ​ർ സൈ​നി​ക വി​മാ​നം ത​ക​ർ​ന്നു​വീ​ണ് എ​ട്ടു​പേ​ർ​ക്ക് പ​രി​ക്കേ​റ്റു. അ​പ​ക​ട​ത്തി​ന്റെ ആ​ഘാ​ത​ത്തി​ൽ വി​മാ​നം ര​ണ്ടാ​യി വേ​ർ​പെ​ട്ടു. ചൊ​വ്വാ​ഴ്ച രാ​വി​ലെ 10.20 ഓ​ടെ​യാ​യി​രു​ന്നു അ​പ​ക​ടം.

പൈ​ല​റ്റ് ഉ​ൾ​പ്പെ​​ടെ 14 പേ​രാ​ണ് വി​മാ​ന​ത്തി​ൽ ഉ​ണ്ടാ​യി​രു​ന്ന​ത്. പ​രി​ക്കേ​റ്റ​വ​രെ ലെ​ങ്പു​യി ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ആ​രു​ടേ​യും പ​രി​ക്ക് ഗു​രു​ത​ര​മ​ല്ല. സം​ഭ​വ​ത്തെ തു​ട​ർ​ന്ന് വി​മാ​ന​ത്താ​വ​ള​ത്തി​ന്റെ പ്ര​വ​ർ​ത്ത​നം താ​ൽ​ക്കാ​ലി​ക​മാ​യി നി​ർ​​ത്തി​വെ​ച്ച​താ​യി മി​സോ​റം ഡി.​ജി.​പി അ​നി​ൽ ശു​ക്ല അ​റി​യി​ച്ചു. ഇ​വി​ടേ​ക്കു​ള്ള സ​ർ​വി​സു​ക​ൾ വ​ഴി​തി​രി​ച്ചു​വി​ട്ടു. റ​ൺ​വേ​യി​ൽ​നി​ന്ന് തെ​ന്നി​മാ​റി​യ വി​മാ​നം കു​റ്റി​ക്കാ​ട്ടി​ൽ പ​തി​ക്കു​ക​യാ​യി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

മി​സോ​റം ത​ല​സ്ഥാ​ന​മാ​യ ഐ​സ്വാ​ളി​ന് 30 കി​ലോ​മീ​റ്റ​ർ അ​ക​ലെ​യു​ള്ള ലെ​ങ്പു​യി ആ​ഭ്യ​ന്ത​ര വി​മാ​ന​ത്താ​വ​ളം, രാ​ജ്യ​ത്തെ അ​പ​ക​ട​ക​ര​മാ​യ ടേ​ബി​ൾ ടോ​പ്പ് റ​ൺ​വേ​ക​ളി​ൽ ഒ​ന്നാ​ണ്. അ​പ​ക​ട​ത്തെ​ക്കു​റി​ച്ച് ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് സി​വി​ൽ ഏ​വി​യേ​ഷ​ൻ (ഡി.​ജി.​സി.​എ) അ​ന്വേ​ഷ​ണ​ത്തി​ന് ഉ​ത്ത​ര​വി​ട്ട​താ​യി സം​സ്ഥാ​ന സ​ർ​ക്കാ​ർ വൃ​ത്ത​ങ്ങ​ൾ അ​റി​യി​ച്ചു.

വം​ശീ​യ സം​ഘ​ർ​ഷ​ത്തെ തു​ട​ർ​ന്ന് അ​തി​ർ​ത്തി ക​ട​ന്ന് മി​സോ​റ​മി​ലെ​ത്തി​യ മ്യാ​ൻ​മ​ർ സൈ​നി​ക​രെ തി​രി​കെ കൊ​ണ്ടു​പോ​കാ​നാ​ണ് വി​മാ​നം എ​ത്തി​യ​ത്. ക​ഴി​ഞ്ഞ​യാ​ഴ്ച 276 മ്യാ​ൻ​മ​ർ സൈ​നി​ക​ർ ഇ​ന്ത്യ​യി​ലേ​ക്ക് ക​ട​ന്നി​രു​ന്നു. ഇ​വ​രി​ൽ 184 പേ​രെ മ​ട​ക്കി അ​യ​ച്ചു. ബാ​ക്കി​യു​ള്ള​വ​ർ തി​രി​ച്ചു​പോ​കാ​നാ​യി അ​സം റൈ​ഫി​ൾ​സി​ന്റെ മേ​ൽ​നോ​ട്ട​ത്തി​ൽ ലെ​ങ്പു​യി വി​മാ​ന​ത്താ​വ​ള​ത്തി​ൽ എ​ത്തി​യി​രു​ന്നു. പ​ടി​ഞ്ഞാ​റ​ൻ മ്യാ​ൻ​മ​റി​ലെ റാ​ഖൈ​ൻ സൈ​നി​ക ക്യാ​മ്പു​ക​ൾ വി​ഘ​ട​ന​വാ​ദി​ക​ളാ​യ അ​രാ​ക്ക​ൻ ആ​ർ​മി പി​ടി​ച്ചെ​ടു​ത്ത​തോ​ടെ​യാ​ണ് സൈ​നി​ക​ർ ഇ​ന്ത്യ​യി​ലേ​ക്ക് ക​ട​ന്ന​ത്.