Nuns
റോം: ഇറ്റലിയിലെ റോമിൽ നാല് കന്യാത്രീകൾ ഫുട്ബോൾ കളിക്കുന്ന വിഡിയോ സമൂഹ മാധ്യമങ്ങളിൽ തരംഗമായി. ഒരു മിനി ടർഫിൽ രണ്ട് കന്യാത്രീകൾ ചേർന്ന ഓരോ ടീമുകളായി മത്സരിക്കുന്നതാണ് വിഡിയോ. വലതുവശത്തുള്ള ടീം ഒരു ഗോൾ നേടുകയും പന്ത് ഇടതുവശത്തുള്ള ടീമിന് കൈമാറുകയും ചെയ്യുന്ന രംഗം വിഡിയോയിൽ കാണാം.
കളിക്കിടെ ഒരു കന്യാസ്ത്രീയുടെ ഷൂസ് കാലിൽ നിന്നും തെറിച്ചു പോകുന്നതായും അത് വകവെക്കാതെ അവർ കളിയിൽ മുഴുകുന്നതും വിഡിയോയിൽ കാണാം. ടർഫിന് തൊട്ടടുത്തുള്ള ഉയരമുള്ള കെട്ടിടത്തിന്റെ ബാൽക്കണിയിൽ നിന്നാണ് 14 സെക്കന്‍റ് ദൈർഘ്യമുള്ള വിഡിയോ ചിത്രീകരിച്ചിരിക്കുന്നത്.
ദശലക്ഷത്തിലധികം പേരാണ് ഇതിനോടകം വിഡിയോ കണ്ടുക്കഴിഞ്ഞത്. സഭ ഏർപ്പെടുത്തിയ കർശന നിയന്ത്രണങ്ങളിൽ ഒതുങ്ങിക്കൂടുന്നവരാണ് കന്യാസ്ത്രീകൾ എന്ന പഴംപുരാണത്തിന് വിപരീതമായ കാഴ്ച ആയതിനാൽ "കന്യാസ്ത്രീകൾ ഫുട്ബോൾ കളിച്ചാൽ എന്താ കുഴപ്പം?" എന്ന ശീർഷകം നൽകിയാണ് പലരും വിഡിയോ പങ്കുവെച്ചിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.