നിരീക്ഷണത്തിലിരുന്ന 15കാരൻ തൂങ്ങി മരിച്ച നിലയിൽ കുറ്റിപ്പുറം: തവനൂർ ചിൽഡ്രൻസ് ഹോമിൽ നിരീക്ഷണത്തിലായിരുന്ന വിദ്യാർഥിയെ തൂങ്ങി മരിച്ച നിലയിൽ കണ്ടെത്തി. കൊണ്ടോട്ടി ഐക്കരപ്പടി സ്വദേശിയായ അറക്കൽ മാന്നാട്ടുപ്പള്ളി വീട്ടിൽ മുഹമ്മദ് ജാസിൽ (15) ആണ് മരിച്ചത്. വ്യാഴാഴ്ച്ച രാവിലെ 10 മണിയോടെയാണ് സംഭവം. പുതുതായി എത്തുന്നവരെ ക്വാറൻറീനിൽ പാർപ്പിച്ച സ്ഥലത്താണ് മരിച്ച നിലയിൽ കണ്ടെത്തിയത്. ഒരു മാസം മുമ്പ് വീട്ടിൽ നിന്ന് കാണാതായ വിദ്യാർഥിയെ 21നാണ് ചിൽഡ്രൻസ് ഹോമിൽ പ്രവേശിപ്പിക്കുന്നത്. ജൂൺ 29ന് രക്ഷിതാക്കളുമായി പിണങ്ങി കോഴിക്കോടുള്ള സുഹൃത്തുക്കൾക്കൊപ്പം വാടക വീട്ടിൽ താമസിക്കുകയായിരുന്നു. വീട്ടിൽ നിരീക്ഷണത്തിൽ കഴിയാൻ സൗകര്യമില്ലെന്ന് രക്ഷിതാക്കൾ പറഞ്ഞതിനെ തുടർന്നാണ് ചിൽഡ്രൻസ് ഹോമിൽ പ്രവേശിപ്പിച്ചത്. മൃതദേഹം കോവിഡ് പരിശോധനക്കായി മഞ്ചേരിയിലേക്ക് കൊണ്ടുപോയി.പിതാവ്: മുസ്തഫ. മാതാവ്: വാഹീദ. obit kuttipuram muhammed jaseel Photo: മുഹമ്മദ് ജസീൽ
