പാലാ: കുളിക്കാനിറങ്ങവെ കാല്വഴുതി തോട്ടില് വീണ് യുവാവ് മരിച്ചു. പയപ്പാര് പ്ലാശ്ശേരില് പി.ടി. പ്രകാശാണ് (51) മരിച്ചത്. വെള്ളിയാഴ്ച രാവിലെ ഏഴോടെയാണ് സംഭവം. വീടിനുസമീപത്തെ ളാലം തോട്ടില് കുളിക്കാനിറങ്ങിയ പ്രകാശിനെ ഏറെനേരമായിട്ടും കാണാത്തതിനെ തുടര്ന്ന് മകന് തിരക്കിയെത്തിയപ്പോഴാണ് മരിച്ചനിലയില് കണ്ടെത്തിയത്. കുളിക്കടവില് കാല്വഴുതിയപ്പോള് തലയിടിച്ചുവീണ് രക്തം വാര്ന്നനിലയിലായിരുന്നു. ഉടൻ പൊലീസിലും ഫയര്ഫോഴ്സിലും വിവരമറിയിച്ചു. അഗ്നിരക്ഷാസേന പ്രവര്ത്തകര് എത്തി കരയിലെത്തിച്ചെങ്കിലും മരിച്ചിരുന്നു. മൃതദേഹം പാലാ ജനറല് ആശുപത്രി മോര്ച്ചറിയില്. പോസ്റ്റ്േമാര്ട്ടത്തിനുശേഷം ശനിയാഴ്ച ബന്ധുക്കള്ക്ക് വിട്ടുനല്കും. സംസ്കാരം ഉച്ചകഴിഞ്ഞ് വീട്ടുവളപ്പില് നടത്തും. ഭാര്യ: പാലാ മുരിക്കുംപുഴ വേലിക്കകത്ത് കുടുംബാംഗം സിജി. മക്കള്: നിഭ (നഴ്സ്, മുട്ടുചിറ ഹോളിഗോസ്റ്റ് ആശുപത്രി), നവനീത് (സെൻറ് മേരീസ് എന്ജിനീയറിങ് സ്കൂള്, പാലാ). മാതാവ്: കുഞ്ഞമ്മ.