കടുത്തുരുത്തി: ജര്മനിയില് മലയാളി വിദ്യാര്ഥിനിയെ മരിച്ചനിലയില് കണ്ടെത്തി.കീല് ക്രിസ്റ്റ്യാന് ആല്െബ്രഷ്ട് യൂനിവേഴ്സിറ്റിയില് ബയോമെഡിക്കല് വിഭാഗത്തില് മെഡിക്കല് ലൈഫ് സയന്സിന് പഠിക്കുന്ന ആപ്പാഞ്ചിറ പൂഴിക്കോൽ മുടക്കാമ്പുറത്ത് ബെന്നിയുടെ മകൾ നിതികയെയാണ് (22) സ്റ്റുഡൻറ് ഹോസ്റ്റലിലെ മുറിയില് മരിച്ചനിലയില് കണ്ടെത്തിയത്. നിതികയെ കാണാതിരുന്നതിനെത്തുടര്ന്ന് മലയാളി സുഹൃത്തുക്കള് അന്വേഷിച്ചപ്പോഴാണ് ഹോസ്റ്റലിലെ മുറിയിലെ കിടക്കയില് മരിച്ചനിലയില് കണ്ടെത്തിയത്. ഉടന് എമര്ജന്സി വിഭാഗത്തിലെ ഡോക്ടറെ അറിയിക്കുകയും തുടര്ന്ന് പൊലീസ് എത്തി അന്വേഷണം ആരംഭിക്കുകയും ചെയ്തു.ബുധനാഴ്ച രാത്രി മരണം സംഭവിച്ചതായാണ് അറിയാന് കഴിഞ്ഞത്. വിഷം ഉള്ളില്ച്ചെന്ന് മരിച്ചതായാണ് പൊലീസിെൻറ പ്രാഥമിക നിഗമനം. ജര്മനിയിലെ പൊലീസ് നടപടി പൂര്ത്തിയായെങ്കിലേ മറ്റ് നടപടികള് തീരുമാനിക്കൂ. നിതിക ആറുമാസം മുമ്പാണ് ജര്മനിയില് മാസ്റ്റര് ബിരുദ പഠനത്തിന് എത്തിയത്. നിതിക ഒരു ഇന്ത്യക്കാരി വിദ്യാര്ഥിനിക്കൊപ്പമാണ് മുറിയില് താമസിച്ചിരുന്നത്. മരണവിവരം കീല് പൊലീസ് നിതികയുടെ വീട്ടില് അറിയിച്ചിട്ടുണ്ട്. 12 രാജ്യങ്ങളില്നിന്നുള്ള വിദ്യാർഥികളാണ് 2021ലെ സമ്മര് സെമസ്റ്ററില് നിതികക്കൊപ്പം കീല് യൂനിവേഴ്സിറ്റിയില് പഠിക്കുന്നത്. മാതാവ്: ത്രേസ്യാമ്മ (മിലിട്ടറി നഴ്സ്). സഹോദരൻ: ആശിഷ്.