മുണ്ടക്കയം: മുണ്ടക്കയം സ്വദേശിയെ ബിഹാറിൽ മരിച്ചനിലയിൽ കണ്ടെത്തി. വണ്ടൻപതാൽ ഗ്രീൻ നഗർ പുളിമൂട്ടിൽ ഭാസ്കരെൻറ മകൻ രതീഷിനെയാണ് (40) പട്നയിലെ താമസസ്ഥലത്ത് കുളിമുറിയിൽ മരിച്ചനിലയിൽ കണ്ടെത്തിയത്. വെള്ളം ചൂടാക്കാൻ ഉപയോഗിക്കുന്ന ഹീറ്ററിൽനിന്ന് വൈദ്യുതാഘാതമേറ്റതാണെന്ന് സംശയിക്കുന്നു. കൺസ്ട്രക്ഷൻ മേഖലയിൽ ജോലി ചെയ്യുന്ന രതീഷ് ഏതാനും മാസം മുമ്പാണ് വീട്ടിൽനിന്ന് ജോലിസ്ഥലത്തേക്ക് മടങ്ങിയത്. എല്ലാദിവസവും രതീഷ് വീട്ടുകാരുമായി ഫോണിൽ ബന്ധപ്പെടാറുണ്ടായിരുന്നു. ഞായറാഴ്ച രാവിലെ രതീഷിനെ ഫോണിൽ വിളിച്ചെങ്കിലും കിട്ടാത്തതിനെത്തുടർന്ന് ഭാര്യ സുഹൃത്തുക്കളെ വിളിച്ച് വിവരം തിരക്കുകയായിരുന്നു. പട്നയിൽ ഉള്ള മലയാളി സുഹൃത്തുക്കളും വീട്ടുടമസ്ഥനും നടത്തിയ തിരച്ചിലിൽ രതീഷിനെ മരിച്ചനിലയിൽ കണ്ടെത്തുകയായിരുന്നു. മൃതദേഹം പോസ്റ്റ്മോർട്ടത്തിന് ആശുപത്രിയിലേക്ക് മാറ്റി. മാതാവ്: ജിൻസി. ഭാര്യ: ജിൻസി. മക്കൾ: അർച്ചന, അക്സ, സിയാൻ. സഹോദരങ്ങൾ: ഷീന, ഷൈലേഷ്.