പാലാ: പൂവരണി അമ്പലത്തിനുസമീപം ബൈക്കും ഒമ്നി വാനും കൂട്ടിയിടിച്ച് വീട്ടമ്മ മരിച്ചു. അയര്ക്കുന്നം താളിക്കല്ല് ഒഴുങ്ങാലില് ജോര്ജ് ജോസിെൻറ (ജിജി) ഭാര്യ മിനിയാണ് (48) മരിച്ചത്. പൂവരണി -മൂലേത്തുണ്ടി റോഡില് ബുധനാഴ്ച രാവിലെ 6.50 ഓടെയായിരുന്നു അപകടം.പൂവരണി അമ്പലം ജങ്ഷനില് നയന മെഡിക്കല് ലാബ് നടത്തുകയാണ് ജോര്ജും മിനിയും. രാവിലെ ലാബ് തുറക്കാനെത്തുമ്പോഴാണ് അപകടത്തില്പെട്ടത്. റോഡില് നിര്ത്തിയിട്ടിരുന്ന കാറിനെ മറികടന്നെത്തിയ ഒമ്നി വാനും എതിരെ വന്ന ബൈക്കും കൂട്ടിയിടിക്കുകയായിരുന്നെന്ന് പൊലീസ് പറഞ്ഞു. പരിക്കേറ്റ ജോര്ജിനെ തെള്ളകത്തെ സ്വകാര്യ ആശുപത്രിയിലേക്ക് മാറ്റി.മിനിയുടെയും ജോർജിെൻറയും രണ്ടാം വിവാഹമാണ്. ആദ്യവിവാഹത്തിലെ ഭര്ത്താവ് വാഹനാപകടത്തില് മരണപ്പെട്ട മിനി, ദീര്ഘകാലം കുവൈത്തില് പ്രവാസജീവിതം നയിക്കുകയായിരുന്നു. നാട്ടിലുണ്ടായ വാഹനാപകടത്തിലായിരുന്നു ആദ്യ ഭര്ത്താവിെൻറ മരണം. ബന്ധുക്കള്ക്കൊപ്പം കുളിക്കുന്നതിനിടെ വെള്ളത്തില് മുങ്ങി ഏക മകള് നയനയും മരിച്ചു. അതിനുശേഷമാണ് അയര്ക്കുന്നം ഒഴുങ്ങാലില് ജോര്ജിനെ വിവാഹം ചെയ്തത്. ജോര്ജിെൻറ ആദ്യഭാര്യ പനി ബാധിച്ച് മരണപ്പെട്ടിരുന്നു.
മിനിയുടെ സംസ്കാരം വ്യാഴാഴ്ച വൈകീട്ട് മൂന്നിന് അയര്ക്കുന്നം സെൻറ് സെബാസ്റ്റ്യന് പള്ളി സെമിത്തേരിയില്. കോഴിക്കോട് വട്ടുകുന്നേല് കുടുംബാംഗമാണ്. മക്കള്: ആല്ബിന്, ആരോഷ് (ഇരുവരും വിദ്യാർഥികള്).