ചങ്ങനാശ്ശേരി: വാഴൂര് റോഡില് ഇല്ലിമൂട്ടില് കാര് തട്ടി സ്കൂട്ടറില്നിന്ന് വീണ് പരിക്കേറ്റ് ചികിത്സയിലിരുന്ന ഓഡിറ്റ് വകുപ്പ് റിട്ട. ഡെപ്യൂട്ടി ഡയറക്ടര് മരിച്ചു. ആലപ്പുഴ ജില്ല റിട്ട. ഡെപ്യൂട്ടി ഡയറക്ടര് മാടപ്പള്ളി പങ്കിപ്പുറം പുതുപ്പറമ്പില് ഭഗവതി ചെട്ടിയാരുടെ മകന് പി.ബി. നടരാജനാണ് (58) മരിച്ചത്. തിങ്കളാഴ്ച രാവിലെ 11ഓടെയായിരുന്നു അപകടം. കറുകച്ചാല് ഭാഗത്തുനിന്ന് ചങ്ങനാശ്ശേരി ഭാഗത്തേക്ക് പോയ നടരാജെൻറ സ്കൂട്ടറില് പിന്നാലെയെത്തിയ കാര് തട്ടുകയായിരുന്നു. റോഡരികിലെ ചളിക്കുഴിയിലേക്ക് സ്കൂട്ടര് പാളിപ്പോവുകയും നടരാജന് റോഡിലേക്ക് മുഖമടിച്ചു വീഴുകയുമായിരുന്നു. വീഴ്ചയുടെ ആഘാതത്തില് ഹെല്മറ്റിെൻറ ഒരു ഭാഗം തകര്ന്നു. തലക്ക് ഗുരുതര പരിക്കേറ്റ നടരാജനെ നാട്ടുകാര് ചേര്ന്ന് ആശുപത്രിയില് പ്രവേശിപ്പിക്കുകയായിരുന്നു.ചെത്തിപ്പുഴ സെൻറ് തോമസ് ആശുപത്രിയില് ചികിത്സയില് കഴിയവേ വ്യാഴാഴ്ച പുലര്ച്ചയാണ് മരിച്ചത്. നടരാജന് സര്ക്കാര് സര്വിസില് പ്രവേശിക്കുന്നതിനുമുമ്പ് ദീര്ഘകാലം മാമ്മൂട് ദീപ്തി പാരലല് കോളജ് അധ്യാപകനായിരുന്നു. തൃക്കൊടിത്താനം പൊലീസ് നടപടി സ്വീകരിച്ചു. മൃതദേഹം കോട്ടയം മെഡിക്കല് കോളജ് ആശുപത്രിയില് പോസ്റ്റ്േമാര്ട്ടം നടത്തി. സംസ്കാരം വെള്ളിയാഴ്ച രാവിലെ 10ന് വീട്ടുവളപ്പില്. ഭാര്യ: വിജയമ്മാള്. മക്കള്: നവീന്രാജ്, നിഥിന് രാജ്. മരുമകള്: നിമ്മി.