ചങ്ങനാശ്ശേരി: വാഴൂര് റോഡില് കൊച്ചുറോഡില് ബൈക്കും സ്കൂട്ടറും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. മാമ്മൂട് ചൂരനോലി പള്ളിക്കുന്നേല് ബിജിയുടെ മകന് അജിത്താണ് (22) മരിച്ചത്. വ്യാഴാഴ്ച വൈകീട്ട് 6.45 ഓടെയായിരുന്നു അപകടം. മാമ്മൂട് ഭാഗത്തുനിന്ന് കറുകച്ചാല് ഭാഗത്തേക്കു പോയ അജിത്തിെൻറ ബൈക്ക് എതിര്ദിശയിലെത്തിയ സ്കൂട്ടറുമായി ഇടിക്കുകയായിരുന്നു. ഇടിയുടെ ആഘാതത്തില് റോഡിന് നടുവിലേക്ക് തെറിച്ചു വീണതായി ദൃക്സാക്ഷികൾ പറഞ്ഞു. ഗുരുതര പരിക്കേറ്റ അജിത്തിനെ ചങ്ങനാശ്ശേരി ജനറല് ആശുപത്രിയില് പ്രവേശിപ്പിെച്ചങ്കിലും രക്ഷിക്കാനായില്ല. മൃതദേഹം ചെത്തിപ്പുഴയിലെ സ്വകാര്യ ആശുപത്രി മോര്ച്ചറിയില്. കോട്ടയം മെഡിക്കൽ കോളജിൽ പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുനൽകും. തൃക്കൊടിത്താനം പൊലീസ് നടപടി സ്വീകരിച്ചു. മാതാവ്: ലേഖ. സഹോദരിമാർ: അര്ച്ചന, അലീന.