ചെറായി: കൂട്ടുകാരുമൊത്ത് ക്ഷേത്രക്കുളത്തില് കുളിക്കാനിറങ്ങിയ യുവാവ് മുങ്ങിമരിച്ചു. പള്ളിപ്പുറം കോവിലകത്തുംകടവ് പനക്കപ്പറമ്പില് ബാബുവിെൻറ മകന് സാമുവലാണ് (18) മരിച്ചത്.വ്യാഴാഴ്ച ഉച്ചക്ക് 2.30ന് കോവിലകത്തുംകടവ് ക്ഷേത്രക്കുളത്തില് കൂട്ടുകാരോടൊപ്പം കുളത്തിൽ ചാടിയ സാമുവലിനെ കാണാതാകുകയായിരുന്നു. കൂടെയുണ്ടായിരുന്നവര് ബഹളം വെച്ചതോടെ നാട്ടുകാര് തിരച്ചില് നടത്തുകയായിരുന്നു. ഉടന് ആശുപത്രിയിലെത്തിച്ചെങ്കിലും മരിച്ചിരുന്നു.മൃതദേഹം വെള്ളിയാഴ്ച പോസ്റ്റ്മോര്ട്ടത്തിന് പറവൂര് താലൂക്ക് ആശുപത്രിയിലേക്ക് മാറ്റി. മാതാവ്: സിന്ധു. ഏക സഹോദരന്: സോളമന്.