കോതമംഗലം: തങ്കളം-കാക്കനാട് ബൈപാസിൽ കാറിടിച്ച് വയോധികൻ മരിച്ചു. ഇളംമ്പ്ര പുലിക്കുന്നത്ത് മാലി തങ്കപ്പനാണ് (65) മരിച്ചത്. ഒപ്പം ഉണ്ടായിരുന്ന രണ്ടുപേർ രക്ഷപ്പെട്ടു. വ്യാഴാഴ്ച വൈകീട്ട് അഞ്ചോടെയാണ് അപകടം. അമിതവേഗത്തിലെത്തിയ കാർ തങ്കപ്പനെ ഇടിച്ചിടുകയായിരുന്നു. പാലായത്ത് കാവിലേക്കുള്ള വഴിയിൽ സ്ഥാപിച്ചിരുന്ന കമാനവും തകർത്ത് കാർ റോഡിന് താഴെ പാടത്തിന് സമീപത്തെ തോട്ടിലാണ് നിന്നത്. നാട്ടുകാർ തങ്കപ്പനെ ആശുപത്രിയിലെത്തിച്ചെങ്കിലും മരിച്ചു. മൃതദേഹം താലൂക്ക് ആശുപത്രി മോർച്ചറിയിൽ. കാറിലുണ്ടായിരുന്ന രണ്ടുപേെര െപാലീസ് കസ്റ്റഡിയിലെടുത്തു. ഭാര്യ: പരേതയായ ദേവു. മക്കൾ: രാജേഷ്, രതീഷ്. മരുമക്കൾ: ശരണ്യ, അശ്വ.