കളമശ്ശേരി: ദേശീയപാതയിൽ യു ടേൺ തിരിയുന്നതിനിടെ സ്കൂട്ടർ ചരക്ക് ലോറിയിൽ തട്ടി സ്കൂട്ടർ യാത്രികൻ മരിച്ചു. കങ്ങരപ്പടി നവോദയ റോഡിൽ പാറക്കൽ വീട്ടിൽ പി.എ. ബേബിയാണ് (63) മരിച്ചത്. വ്യാഴാഴ്ച ഉച്ചക്ക് ഒന്നരയോടെ ഇടപ്പള്ളി ടോൾ യു ടേണിന് സമീപമാണ് അപകടം. എറണാകുളം ഭാഗത്തുനിന്ന് വരുകയായിരുന്ന ചരക്കുലോറിയും സ്കൂട്ടറും വലതുവശത്തേക്ക് തിരിയുന്നതിനിടെയാണ് അപകടം. ലോറിയുടെ ചക്രം കയറി സ്കൂട്ടർ യാത്രികൻ തൽക്ഷണം മരിച്ചു. ഇടിച്ച ലോറി സ്കൂട്ടറുമായി മുന്നോട്ട് അമ്പത് മീറ്ററോളം നീങ്ങിയാണ് നിന്നത്. മൃതദേഹം കളമശ്ശേരി മെഡിക്കൽ കോളജ് മോർച്ചറിയിൽ. ഭാര്യ: സൂസി.
മക്കൾ: സുബിൻ, സീക്കോ, ആൻസി. മരുമകൻ: ധനീഷ്. സംസ്കാരം വെള്ളിയാഴ്ച എറണാകുളം സെൻറ് തോമസ് പള്ളി സെമിത്തേരിയിൽ.