ബുറൈദ: ഹൃദയാഘാതം മൂലം മലയാളി ബുറൈദയിൽ മരിച്ചു. ബുറൈദ ഇൻഡസ്ട്രിയൽ സിറ്റിയിൽ പത്തനംതിട്ട സ്വദേശി ജോൺ പന്നിവിഴ (56) ആണ് മരിച്ചത്. വ്യാഴാഴ്ച രാവിലെ താമസസ്ഥലത്തുവെച്ച് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് സുഹൃത്തുക്കളെ വിവരം അറിയിക്കുകയും ആശുപത്രിയിലേക്ക് പോകാനുള്ള തയാറെടുപ്പിനിടെ കുഴഞ്ഞുവീഴുകയുമായിരുന്നു. 26 വർഷമായി പ്രവാസിയായ ജോൺ, ഇൻഡസ്ട്രിയൽ സിറ്റിയിലുള്ള സ്വകാര്യ കമ്പനിയിൽ അലൂമിനിയം ഫാബ്രിക്കേഷൻ ജീവനക്കാരനായിരുന്നു.ഭാര്യ: ജിജി ജോൺ. മക്കൾ: സിബി ജോൺ ജേക്കബ്, സിനി എൽസ ജോൺ. മൃതദേഹം നാട്ടിലേക്ക് കൊണ്ടുപോകും. ഖസീം പ്രവാസിസംഘം കേന്ദ്ര ജീവകാരുണ്യവിഭാഗം കൺവീനർ നൈസാം തൂലിക, ജീവകാരുണ്യ സെൽ പ്രവർത്തകൻ കുര്യൻ എന്നിരുടെ നേതൃത്വത്തിൽ നടപടിക്രമങ്ങൾ പൂർത്തീകരിച്ചുവരുന്നു.
