കൂത്താട്ടുകുളം: വാഴക്കുല വെട്ടുന്നതിനിടെ മധ്യവയസ്കൻ കുളത്തിൽവീണ് മരിച്ചു. കിഴകൊമ്പ് പുതിയേടത്ത് കുഴിയിൽ ഏലിയാസാണ് (58) മരിച്ചത്. തിങ്കളാഴ്ച ഉച്ചയോടെയാണ് സംഭവം. മകളുടെ കുട്ടി കരയുന്നത് കണ്ട് സമീപവാസികൾ ഓടിയെത്തിയപ്പോഴാണ് അപകടവിവരമറിയുന്നത്. കൂത്താട്ടുകുളം അഗ്നിരക്ഷസേന, പൊലീസ്, സമീപവാസികൾ എന്നിവരുടെ നേതൃത്വത്തിലാണ് ഏലിയാസിനെ പത്തടിയോളം താഴ്ചയുള്ള കിണറ്റിൽനിന്ന് പുറത്തെടുത്തത്. ഉടൻ കൂത്താട്ടുകുളത്തെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. ഭാര്യ: സാറാമ്മ. മക്കൾ: സൗമ്യ (ഖത്തർ), സിജോ. മരുമകൻ: ജോബിൻ (ഖത്തർ). സംസ്കാരം ചൊവ്വാഴ്ച ഉച്ചക്കുശേഷം വടകര സെൻറ് ജോൺസ് സുറിയാനി പള്ളി സെമിത്തേരിയിൽ.
