ഈരാറ്റുപേട്ട: ഈരാറ്റുപേട്ടയിൽനിന്ന് 11 കിലോമീറ്റർ അകലെ വേങ്ങത്താനം അരുവിയിൽ കുളിക്കാനിറങ്ങിയ യുവാവ് മരിച്ചു. കാഞ്ഞിരപ്പള്ളി ഒന്നാംമൈൽ കൊച്ചുറോഡ് സ്വദേശി ഷാജിയുടെ മകൻ അഹദാണ് (19) പാറക്കൂട്ടങ്ങൾക്കിടയിൽ തെന്നി വെള്ളത്തിൽ വീണ് മരിച്ചത്. വേങ്ങത്താനം അരുവിയുടെ ഭാഗമായ തോണിക്കുഴി കയത്തിലാണ് അപകടം.
രാവിലെ ഒമ്പതോടെയാണ് അഹദടക്കം എട്ടുപേർ വേങ്ങത്താനം അരുവിയിലെത്തിയത്. സുഹൃത്തുക്കൾ നേരിട്ടെത്തിയാണ് അഗ്നിരക്ഷാസേനയെ അപകടവിവരമറിയിച്ചത്. അഗ്നിരക്ഷാസേനയുടെയും പൊലീസിെൻറയും നാട്ടുകാരുടെയും നേതൃത്വത്തിൽ നടത്തിയ തിരച്ചിലിൽ മൃതദേഹം കണ്ടെത്തി. കാഞ്ഞിരപ്പള്ളി പൊലീസ് നടപടി സ്വീകരിച്ച് മൃതദേഹം കോട്ടയം മെഡിക്കൽ കോളജിലേക്ക് മാറ്റി. അഹദിെൻറ മാതാവ്: ബീന. സഹോദരൻ: ഫഹദ്.