കോട്ടയം: ചാന്നാനിക്കാട് ഓട്ടക്കാഞ്ഞിരത്തിൽ ആളില്ലാത്ത ഇടിഞ്ഞുപൊളിഞ്ഞ വീട്ടിൽ രണ്ടു ദിവസം പഴക്കമുള്ള മൃതദേഹം കണ്ടെത്തി. തമിഴ്നാട് മാർത്താണ്ഡം സ്വദേശി ദേവരാജുവാണ് (61) മരിച്ചതെന്ന് നിഗമനം. വീട്ടുടമയുടെ രണ്ടാം ഭർത്താവാണ് ദേവരാജു. 10 വർഷം മുമ്പ് ഭാര്യ മരിച്ച ശേഷം നാട്ടിൽ അലഞ്ഞുതിരിഞ്ഞു നടക്കുകയായിരുന്നു. രണ്ടുദിവസമായി പ്രദേശത്ത് ദുർഗന്ധം അനുഭവപ്പെട്ടതിനെ തുടർന്ന് പ്രദേശവാസി ഞായറാഴ്ച ഉച്ചക്ക് സ്ഥലം പരിശോധിച്ചപ്പോഴാണ് ശൗചാലയത്തിൽ അഴുകിത്തുടങ്ങിയ മൃതദേഹം കണ്ടത്. ചിങ്ങവനം സ്റ്റേഷൻ ഹൗസ് ഓഫിസർ ഇൻസ്പെക്ടർ ടി.ആർ. ജിജുവിെൻറ നേതൃത്വത്തിൽ പൊലീസ് സ്ഥലത്ത് എത്തി. മൃതദേഹം ഫോറൻസിക് പരിശോധനകൾക്കുശേഷം മെഡിക്കൽ കോളജ് ആശുപത്രിയിലേക്കു മാറ്റി.