മുണ്ടക്കയം: ശബരിമല ദർശനത്തിന് പോകവെ അയ്യപ്പഭക്തൻ കുഴഞ്ഞുവീണ് മരിച്ചു. കൂട്ടിക്കൽ പാലമുറ്റത്ത് പി.എസ്. രാജുവാണ് (61 ) മരിച്ചത്. പമ്പയിൽനിന്ന് സന്നിധാനത്തേക്ക് പോകുംവഴി സ്വാമി അയ്യപ്പൻ റോഡിൽ കുഴഞ്ഞുവീഴുകയായിരുന്നു. അയ്യപ്പസേവ സമാജം സംസ്ഥാന ഭാരവാഹിയായിരുന്നു. മുണ്ടക്കയം വരിക്കാനി ജങ്ഷനിലെ കീർത്തി പെട്രോൾ പമ്പ്, കീർത്തി മെഡിക്കൽ സ്റ്റോർ, എന്നീ സ്ഥാപനങ്ങളുടെ മാനേജിങ് ഡയറക്ടറാണ്. ഭാര്യ: കൂട്ടിക്കൽ താളുങ്കൽ പുത്തൻപറമ്പിൽ കുടുംബാംഗം ഷീബ. മക്കൾ: അഖിൽ എസ്. രാജ്, അനു എസ്. രാജ്. മരുമകൻ: പ്രിയേഷ് മോഹൻ.
