പാലാ: കേരള കോൺഗ്രസ് -എം ആദ്യകാല നേതാവ് ഇ.സി. ദേവസ്യ ഈറ്റത്തോട്ട് (82) നിര്യാതനായി. ആദ്യകാല സജീവ പൊതുപ്രവർത്തകനും ട്രേഡ് യൂനിയൻ നേതാവും സഹകാരിയുമായിരുന്നു പൂവരണി ഈറ്റത്തോട്ട് ഇ.സി. ദേവസ്യ. ഭാര്യ: കാഞ്ഞിരമറ്റം മൂങ്ങാമാക്കൽ കുടുംബാംഗം എലിക്കുട്ടി. മക്കൾ: ബിന്ദു സാബു കളപ്പുരക്കൽ (പൈക), ബ്ലെസി സന്തോഷ് പാറേക്കാട്ട് (പച്ചാത്തോട്). മരുമക്കൾ: സാബു കളപ്പുരക്കൽ (കെ.എം.എസ്. മോട്ടോഴ്‌സ്, പൈക), സന്തോഷ് സെബാസ്റ്റ്യൻ പാറേക്കാട്ട് (പച്ചാത്തോട്). സംസ്കാരം ഞായറാഴ്ച ഉച്ചക്ക് 2.30ന് പൂവരണി തിരുഹൃദയ ദേവാലയ സെമിത്തേരിയിൽ.കേരള കോൺഗ്രസ് പലതവണ പിളർന്നിട്ടും കെ.എം. മാണിക്കൊപ്പം ഉറച്ചുനിന്ന ദേവസ്യ പാലായിൽ കെ.എം. മാണിയുടെ ഏറ്റവും അടുത്ത സൗഹൃദവലയത്തിലെ അംഗമായിരുന്നു. കേരള കോൺഗ്രസ് എം മീനച്ചിൽ മണ്ഡലം പ്രസിഡൻറ്, മീനച്ചിൽ ഗ്രാമപഞ്ചായത്ത് അംഗം, പൂവരണി സഹകരണ ബാങ്ക് ഡയറക്ടർ ബോർഡ് അംഗം എന്നീ നിലകളിൽ പ്രവർത്തിച്ചു. കെ.ടി.യു.സി മുൻ ജില്ല പ്രസിഡൻറും സംസ്ഥാന സെക്രട്ടറിയുമായിരുന്നു. റബർ നഴ്‌സറി അസോസിയേഷൻ സംസ്ഥാന പ്രസിഡൻറായും പ്രവർത്തിച്ചിട്ടുണ്ട്.ഇ.സി. ദേവസ്യയുടെ നിര്യാണത്തിൽ കേരള കോൺഗ്രസ് എം ചെയർമാൻ ജോസ് കെ. മാണി, മന്ത്രി റോഷി അഗസ്റ്റിൻ, ഗവ. ചീഫ് വിപ്പ് ഡോ. എൻ. ജയരാജ്, സെബാസ്റ്റ്യൻ കുളത്തുങ്കൽ എം.എൽ.എ, കെ.ടി.യു.സി സംസ്ഥാന പ്രസിഡൻറ് ജോസ് പുത്തൻകാലാ എന്നിവർ അനുശോചനം അറിയിച്ചു.
