മരിച്ചത് ആലുവ മുപ്പത്തടം സ്വദേശി
വണ്ണപ്പുറം (ഇടുക്കി): ബസും ബൈക്കും കൂട്ടിയിടിച്ച് വിനോദയാത്ര സംഘത്തിലെ യുവാവ് മരിച്ചു. ആലുവ മുപ്പത്തടം സ്വദേശി പരേതനായ പുതുവൽപറമ്പ് അഷറഫിെൻറ മകൻ മുഹമ്മദ് സുഹൈലാണ് (17) മരിച്ചത്. കൂടെയുണ്ടായിരുന്ന സുഹൃത്ത് മൻസിലിന് ഗുരുതര പരിക്കേറ്റു. ശനിയാഴ്ച വൈകീട്ട് നാലിന് വെണ്മറ്റത്തിന് സമീപം കോഴിക്കവലയിലാണ് അപകടം. തൊമ്മൻകുത്ത് കാണാനെത്തിയവരാണ് അപകടത്തിൽപെട്ടത്. രണ്ടുപേർ ബൈക്കിലും അഞ്ചുപേർ കാറിലുമായാണ് എത്തിയത്. തൊടുപുഴയിൽനിന്ന് വരുകയായിരുന്ന ബസും യുവാക്കൾ സഞ്ചരിച്ച ബൈക്കും കൂട്ടിയിടിക്കുകയായിരുന്നു. അപകടത്തിൽപെട്ടവരെ തൊടുപുഴയിലെ ആശുപത്രിയിൽ എത്തിച്ചെങ്കിലും സുഹൈലിനെ രക്ഷിക്കാനായില്ല. കാളിയാർ പൊലീസ് മേൽനടപടി സ്വീകരി ച്ചു.