കുറവിലങ്ങാട്: എം.സി റോഡിൽ വെമ്പള്ളിയിലുണ്ടായ വാഹനാപകടത്തിൽ യുവാവ് മരിച്ചു കുറവിലങ്ങാട് കോഴാ കടമ്പഞ്ചിറയിൽ പരേതനായ കെ.വി. സെബാസ്റ്റ്യെൻറ (ബേബി) മകൻ റോസ് ബെൻ കെ. സെബസെ്റ്റ്യനാണ് (26) മരിച്ചത്. വ്യാഴാഴ്ച പുലർച്ച ഒരു മണിയോടെയാണ് അപകടമെന്ന് കരുതുന്നു. സുഹൃത്തിനെ വിദേശത്തേക്ക് യാത്രയയക്കാൻ റോസ് ബെൻ ആർപ്പൂക്കരയിലേക്ക് ബുധനാഴ്ച പോയിരുന്നു. സുഹൃത്തിനെ നെടുമ്പാശ്ശേരിയിൽനിന്ന് യാത്രയാക്കി തിരികെ ആർപ്പൂക്കരയിലെ വീട്ടിൽ െവച്ചിരുന്ന സ്കൂട്ടറിൽ കോഴായിലെ വീട്ടിലേക്ക് മടങ്ങുമ്പോഴാണ് അപകടം. വെമ്പള്ളി നടുക്കവലയിൽ റോഡിൽ പരിക്കേറ്റ് രക്തം വാർന്നു കിടക്കുകയായിരുന്നു. ഇതു വഴിയെത്തിയ വാഹന യാത്രക്കാർ പുലർച്ച 1.30 ന് കുറവിലങ്ങാട് പൊലീസിൽ വിവരം അറിയിച്ചു. പൊലീസ് എത്തി കോട്ടയം മെഡിക്കൽ കോളജിൽ എത്തിച്ചെങ്കിലും മരിച്ചു. സംസ്കാരം പിന്നീട്. മാതാവ്: മോളി . സഹോദരങ്ങൾ: ഹെലാൻ, ഡാർമ.
