കാഞ്ഞിരപ്പള്ളി: ബൈക്കും ഓട്ടോറിക്ഷയും കൂട്ടിയിടിച്ച് മറിഞ്ഞുണ്ടായ അപകടത്തിൽ പരിക്കേറ്റ് ചികിത്സയിലിരുന്ന ഓട്ടോഡ്രൈവർ മരിച്ചു. മെഡിക്കൽ കോളജ് ആശുപത്രിയിൽ ചികിത്സയിൽ കഴിഞ്ഞിരുന്ന പാറത്തോട് പാലപ്ര വേങ്ങത്താനം മുണ്ടക്കൽ സുരേന്ദ്രൻപിള്ളയുടെയും രമണിയുെടയും മകൻ അഭിലാഷാണ് (38) ചൊവ്വാഴ്ച പുലർച്ച മരിച്ചത്. കാഞ്ഞിരപ്പള്ളി അഗ്നിരക്ഷാസേന ഓഫിസിന് സമീപം കെ.കെ റോഡിൽ തിങ്കളാഴ്ച വൈകീട്ട് അഞ്ചിനായിരുന്നു അപകടം. ഭാര്യ: പമ്പാവാലി മുളന്താനത്ത് കുടുംബാംഗം സുനിത. മക്കൾ: അഭിമിത്ര, അഭിരാം.
