കളമശ്ശേരി: യുവാവിനെ തീകൊളുത്തി മരിച്ചനിലയിൽ കണ്ടെത്തി. സ്വകാര്യ ലാബിലെ ജീവനക്കാരനായ കോട്ടയം, തെള്ളകം, നടുത്തലവീട്ടിൽ, മാർക്കസ് ജോർജിെൻറ മകൻ ജെറിൻ മാർക്സിനെയാണ് (28) മരിച്ച നിലയിൽ കണ്ടെത്തിയത്. സൗത്ത് കളമശ്ശേരി ചങ്ങമ്പുഴ നഗറിന് സമീപം പതിച്ചേരിൽ ബിൽഡിങ്ങിലെ മൂന്ന് നിലയുടെ മുകളിലെ ശുചി മുറിയിലാണ് മരിച്ച നിലയിൽ കണ്ടത്. രാവിലെ 10.45 ഓടെ എതിർദിശയിൽ നിന്നവരാണ് കെട്ടിടത്തിന് മുകളിൽനിന്നും പുക ഉയരുന്നത് കണ്ടത്. ഇവർ അറിയിച്ചതനുസരിച്ച് കെട്ടിടത്തിൽ ഉണ്ടായിരുന്നവർ മുകളിൽ കയറി വെള്ളമൊഴിച്ച് തീ അണച്ചു. ശുചിമുറിയുടെ വാതിൽ ചവിട്ടി തുറന്നപ്പോൾ ആണ് പൊള്ളലേറ്റ് മരിച്ച നിലയിൽ യുവാവിനെ കാണുന്നത്. പൊലീസും,ഫോറൻസിക് വിഭാഗവും സ്ഥലത്തെത്തി പരിശോധിച്ചു. മൃതദേഹത്തിന് സമീപത്തുനിന്നും കാലി കുപ്പിയും, കത്തിയ ബാഗും കണ്ടെത്തിയതായി പൊലീസ് പറഞ്ഞു. സ്വകാര്യ ലാബിലെ ബിസിനസ് െഡവലപ്മെൻറ് ഓഫിസറാണ് യുവാവ്. ഒരു വർഷമായി വൈറ്റിലയിൽ ലോഡ്ജിൽ താമസിച്ചു വരികയാണെന്ന് പൊലീസ് പറഞ്ഞു. മൃതദേഹം കളമശ്ശേരി ഗവ: മെഡിക്കൽ കോളജ് മോർച്ചറിയിൽ. മാതാവ്: സൂസമ്മ ബാബു, സഹോദരങ്ങൾ: ടോണിമാർക്സ്, ജിനോ മാർക്സ്.
