ചങ്ങനാശ്ശേരി: പൊലീസുകാരനെ താമസസ്ഥലത്ത് മരിച്ചനിലയില് കണ്ടെത്തി. എ.ആര് ക്യാമ്പിലെ ഗ്രേഡ് എസ്.ഐയും കുറിച്ചി കാലായിപ്പടി ശ്രുതിഭവനില് പരേതനായ ചെല്ലപ്പക്കുറുപ്പിെൻറയും ഓമനാമ്മയുെടയും മകനുമായ മധുസൂദനന് നായരാണ് (52) മരിച്ചത്. കുറിച്ചി ഔട്ട് പോസ്റ്റ് ജങ്ഷന് സമീപത്തെ ഹോട്ടലിെൻറ ടെറസില് നിര്മിച്ച താല്ക്കാലിക ഷെഡിലാണ് മധുവിനെ മരിച്ചനിലയില് കണ്ടെത്തിയത്.
രണ്ടര വര്ഷമായി ഈ ഷെഡില് മധു ഡ്യൂട്ടികഴിഞ്ഞുള്ള സമയം തിരുമ്മുചികിത്സ നടത്തിവരുകയായിരുന്നു. ബുധനാഴ്ച രാവിലെ ഏഴിന് മധുസൂദനനെ കാണാതെ വന്നതോടെ താഴെയുള്ള ഹോട്ടലിലെ ജീവനക്കാര് വന്നുനോക്കിയപ്പോഴാണ് മരിച്ചനിലയില് കാണപ്പെട്ടത്. മൃതദേഹം ജില്ല ആശുപത്രി മോര്ച്ചറിയിലേക്ക് മാറ്റി. ദിവസങ്ങളായി മധു ക്ഷീണിതനായിരുെന്നന്ന് ഹോട്ടല് ജീവനക്കാര് പറഞ്ഞതായി ചിങ്ങവനം പൊലീസ് പറഞ്ഞു. പോസ്റ്റ്മോര്ട്ടത്തിനുശേഷം വ്യാഴാഴ്ച മൃതദേഹം ബന്ധുക്കള്ക്ക് വിട്ടുകൊടുക്കുമെന്നും സംഭവത്തില് ദുരൂഹതയില്ലെന്നും പൊലീസ് അറിയിച്ചു. ഭാര്യ: ശ്രീജ (തിരുവനന്തപുരം). മക്കള്: അഖില(അമൃത ആയുര്വേദ മെഡിക്കല് കോളജ് ബി.എ.എം.എസ് വിദ്യാര്ഥിനി), അനുപമ (പ്ലസ് ടു വിദ്യാര്ഥിനി, ക്ലീമീസ് സ്കൂള്, ചിങ്ങവനം). സംസ്കാരം വ്യാഴാഴ്ച ഉച്ചക്ക് രണ്ടിന് വീട്ടുവളപ്പില്.