കോട്ടയം: കാരാപ്പുഴ അമ്പലക്കടവിലെ തോട്ടിൽ യുവാവിനെ മരിച്ച നിലയിൽ കണ്ടെത്തി.
കാരാപ്പുഴ പന്തീരുപറ ജോഷിയാണ് (44) മരിച്ചത്. െവള്ളിയാഴ്ച ഉച്ചക്ക് രണ്ടോടെയാണ് നാട്ടുകാർ മൃതദേഹം കണ്ടത്. വ്യാഴാഴ്ച വൈകീട്ട് മുതൽ ജോഷിയെ കാണാനില്ലായിരുന്നു. കഴിഞ്ഞ ദിവസം ബന്ധുക്കൾ കോട്ടയം വെസ്റ്റ് പൊലീസിൽ പരാതി നൽകിയിരുന്നു.
കോട്ടയം വെസ്റ്റ് എസ്.ഐ ടി.ശ്രീജിത്തിെൻറ നേതൃത്വത്തിൽ പൊലീസും അഗ്നിശമനസേനയും സ്ഥലത്ത് എത്തി നടത്തിയ അന്വേഷണത്തിലാണ് മൃതദേഹം ജോഷിയുടേത് തന്നെയാണെന്ന് തിരിച്ചറിഞ്ഞത്. പോസ്റ്റുമോർട്ടത്തിന് ശേഷമേ മരണകാരണം വ്യക്തമാകൂ. ഭാര്യ: ലേഖ. മക്കൾ: സിന്ധു, മഞ്ജു.