കോട്ടയം: എം.സി റോഡിൽ മംഗളം ജങ്ഷനിൽ സ്കൂട്ടറും ബൈക്കും കൂട്ടിയിടിച്ചുണ്ടായ അപകടത്തിൽ പരിക്കേറ്റ ചുങ്കം സ്വദേശി മരിച്ചു. ചുങ്കം ചെങ്ങളക്കാട്ട് സി.എസ്. ബിനുവാണ് (48)മരിച്ചത്.
ശനിയാഴ്ച രാത്രി 10.15നായിരുന്നു അപകടം. കോട്ടയം ഭാഗത്തേക്ക് വരുകയായിരുന്ന ബിനു സഞ്ചരിച്ച ബൈക്ക് കോട്ടയം ഭാഗത്തുനിന്നെത്തി വട്ടമൂട് പാലത്തിലേക്ക് തിരിഞ്ഞ സ്കൂട്ടറിൽ ഇടിക്കുകയായിരുന്നു. പരിക്കേറ്റ ബിനുവിനെ ഉടൻ ആശുപത്രിയിൽ പ്രവേശിപ്പിച്ചു. തിങ്കളാഴ്ച രാവിലെയാണ് മരിച്ചത്.
ശാസ്ത്രി റോഡിൽ സീറ്റ് കവർ സ്ഥാപനത്തിലെ ജോലിക്കാരനായിരുന്നു. ഭാര്യ: ഉഷ. മകൾ: ആതിര.
