പാലാ: യുവതിയെ വീടിനുസമീപത്തെ ഉപയോഗശൂന്യമായ കിണറ്റില്‍ മരിച്ചനിലയില്‍ കണ്ടെത്തി. തോടനാല്‍ ഇലവനാംതൊടുകയില്‍ ദൃശ്യയാണ് (26) മരിച്ചത്. ഏലപ്പാറ ചിന്നാര്‍ സ്വദേശിനിയാണ്. ഉറങ്ങാന്‍ കിടന്ന ദൃശ്യയെ പുലര്‍ച്ച കാണാതാവുകയായിരുന്നു. രാവിലെ നടത്തിയ അന്വേഷണത്തിലാണ് വീടിന് 200 മീറ്റര്‍ അകലെ അയല്‍വാസിയുടെ പുരയിടത്തിലെ ഉപയോഗശൂന്യമായ കിണറ്റില്‍ മൃതദേഹം കണ്ടെത്തിയത്. കിണറിനുസമീപത്തുനിന്ന് ടോര്‍ച്ചും കണ്ടെത്തി. പാലാ പൊലീസും അഗ്നിരക്ഷാസേനയും സ്ഥലത്തെത്തി മൃതദേഹം പുറത്തെടുത്തു.
