മൂവാറ്റുപുഴ: പ്രമുഖ അഭിഭാഷകനും ഗ്രന്ഥകാരനുമായിരുന്ന കടാതി കണ്ടവത്ത് അഡ്വ. ഡോ. കെ.സി. സുരേഷ് (69) നിര്യാതനായി. അസിസ്റ്റൻറ് പബ്ലിക് പ്രോസിക്യൂട്ടര്‍, സംസ്ഥാന വിജിലന്‍സ് അഡീഷനൽ ലീഗല്‍ അഡ്വൈസ‍ര്‍ എന്നീ നിലകളില്‍ പ്രവര്‍ത്തിച്ചു. സംസ്ഥാന വിജിലൻസ് ലീഗൽ അഡ്വൈസർ സ്ഥാനത്തുനിന്ന് വിരമിച്ചശേഷം മൂവാറ്റുപുഴ വിജിലൻസ് കോടതിയിൽ പ്രാക്ടീസ്‌ ചെയ്തു. വിവരാവകാശ നിയമത്തിൽ ഡോക്ടറേറ്റ് കരസ്ഥമാക്കി. മൂവാറ്റുപുഴ നഗരസഭ വൈസ് ചെയര്‍മാനായി പ്രവർത്തിച്ചിരുന്നു.സൂര്യശ്രീ തിയറ്റേഴ്സ് നാടക ട്രൂപ് അമരക്കാരനായിരുന്നു. എയ്ഞ്ചല്‍ വോയ്സ്, കൊച്ചിന്‍ ഹരിശ്രീ ഗാനമേള ട്രൂപ്പുകളിലെ ഗായകനായും തിളങ്ങി. മേള, കലയരങ്ങ് സാംസ്കാരിക സ്ഥാപനങ്ങളുടെ ഭാരവാഹിയായിരുന്നു. ശിഖരങ്ങള്‍ തേടുന്ന വവ്വാലുകള്‍, കാവുതീണ്ടുന്ന കരിമ്പനകള്‍, കാന്‍ഡിയിലെ കോളാമ്പിപ്പൂക്ക‍ള്‍ എന്നീ കഥാസമാഹാരങ്ങള്‍ എഴുതി. പെര്‍ത്ത് മലയാളി കള്‍ചറ‍ല്‍ ഫോറം നല്‍കിയ സാഹിത്യ ശ്രേഷ്ഠ പുരസ്കാരം 2017ൽ നേടിയിട്ടുണ്ട്.ഭാര്യ: പെരുമ്പാവൂർ രാജേന്ദ്ര നിവാസിൽ സുഷമ. മക്കൾ: ഡോ.ശ്രീലക്ഷ്മി, രോഹിണി. മരുമക്കൾ: ഡോ. ബാലകൃഷ്ണൻ, ഹേമന്ത്. സംസ്കാരം ഞായറാഴ്ച ഉച്ചക്ക് രണ്ടിന് വീട്ടുവളപ്പിൽ.
