കോട്ടയം: സംക്രാന്തിയിൽ കാറും ഓട്ടോറിക്ഷയും കൂട്ടിയിടിച്ച് ഓട്ടോ ഡ്രൈവർ മരിച്ചു. ചങ്ങനാശ്ശേരി വെട്ടിത്തുരുത്ത് പടിഞ്ഞാറെപറമ്പിൽ സജുവാണ് (45) മരിച്ചത്. ഒപ്പമുണ്ടായിരുന്ന സജുവിെൻറ മക്കൾ നിസ്സാര പരിക്കുകളോടെ രക്ഷപ്പെട്ടു. തിങ്കളാഴ്ച രാത്രി സംക്രാന്തിക്കും നീലിമംഗലത്തിനും ഇടയിലായിരുന്നു അപകടം. ഏറ്റുമാനൂരിൽനിന്ന് കോട്ടയം ഭാഗത്തേക്ക് പോയ ഓട്ടോയിൽ എതിർദിശയിൽനിന്നെത്തിയ കാർ ഇടിക്കുകയായിരുന്നു. ഓട്ടോയുടെ മുൻവശം പൂർണമായും തകർന്നു. ഗുരുതര പരിക്കേറ്റ സജുവിനെയും മക്കളായ ആനന്ദ്, അനന്ദൻ എന്നിവരെയും നാട്ടുകാരാണ് കോട്ടയം മെഡിക്കൽ കോളജിൽ പ്രവേശിപ്പിച്ചത്. മക്കളായ ആനന്ദ്, അനന്ദൻ എന്നിവർക്ക് നിസ്സാര പരിക്കാണുള്ളത്. സജുവിെൻറ പിതാവ്: ചെല്ലപ്പൻ. മാതാവ്: അമ്മിണി. ഭാര്യ: പ്രമീള. മറ്റൊരു മകൻ: അനന്ദു.
