വടുതല: അരൂക്കുറ്റി പഞ്ചായത്ത് ആറാം വാർഡ് കിഴക്കേ പാണങ്ങാട്ട് ദാമോദരെൻറ ഭാര്യ രാജമ്മ (67) പൊള്ളലേറ്റ് മരിച്ചു. വീടിനു സമീപം ചവറുകൾ കൂട്ടിയിട്ട് കത്തിക്കുന്നതിനിടെ ഷാളിൽ തീപിടിക്കുകയായിരുന്നു. തീപടരുന്നത് കണ്ടയുടൻ ബോധരഹിതയായി. അൽപനേരം കഴിഞ്ഞ് ബോധം വന്നപ്പോൾ അലമുറയിട്ടതിനെ തുടർന്ന് സമീപത്തുള്ളവർ എത്തിയപ്പോഴേക്കും തീ മൊത്തത്തിൽ പടർന്നിരുന്നു. ഈ സമയം വീട്ടിൽ ആരും ഉണ്ടായിരുന്നില്ല. വീണ് തുടയെല്ല് പൊട്ടിയതിനാൽ വീട്ടിൽ വിശ്രമത്തിലായിരുന്നു. മകൾ: ധന്യ. മരുമകൻ: ലതീഷ് കുമാർ.
