അതിരമ്പുഴ: അതിരമ്പുഴ താന്നിക്കൽ ഷാജി ജോസഫിനെ (55) അതിരമ്പുഴ പച്ചക്കറി മാർക്കറ്റിന് സമീപം എം.വി.ഐ.പി കനാലിലേക്കുള്ള കൈത്തോട്ടിൽ മരിച്ചനിലയിൽ കണ്ടെത്തി. തോട്ടിൽ വെള്ളം ഉണ്ടായിരുന്നില്ല. ചൊവ്വാഴ്ച ഉച്ചക്ക് 1.30ന് ഇതുവഴി പോയ വാർഡ് അംഗം ജോസ് അഞ്ജലിയാണ് വീണ നിലയിൽ കണ്ടത്. പൊലീസ് എത്തി മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റി. ഭാര്യ: പൂഴിക്കോൽ വടക്കേ ചങ്ങമ്മതയിൽ കുടുംബാംഗം റോസിലി. മക്കൾ: ജിൽസൺ തോമസ്, ജിസ്മി തോമസ്, ജിൻസി തോമസ്. മരുമകൾ: ജിനു ജോസഫ്. സംസ്കാരം പിന്നീട്.
