ആലപ്പുഴ: ആലപ്പുഴ ബൈപാസിൽ ബൈക്കുകൾ കൂട്ടിയിടിച്ച് യുവാവ് മരിച്ചു. സഹോദരനടക്കം മൂന്നുപേർക്ക് പരിക്ക്. മണ്ണഞ്ചേരി കുപ്പേഴത്ത് പുത്തൻപുരയിൽ വാടകക്ക് താമസിക്കുന്ന കോട്ടയം താഴത്തങ്ങാടി പള്ളിപ്പറമ്പ് വീട്ടിൽ ഷരീഫിെൻറ മകൻ ഷിഫ്നാസാണ് (22) മരിച്ചത്. ഷിഫ്നാസിെൻറ സഹോദരൻ ഷഹനാസ് (19), ആലപ്പുഴ തിരുമല പോഞ്ഞിക്കര സോഫിയ ഭവനത്തിൽ കലേശെൻറ മകൻ യദു (21), കാട്ടൂർ ആറാട്ടുകുളങ്ങര തോമസി‍െൻറ മകൻ മെൽബിൻ (24) എന്നിവർക്കാണ് പരിക്കേറ്റത്.വെള്ളിയാഴ്ച പുലർച്ച 12.10ന് കളർകോടിന് സമീപം ബൈപാസ് മേൽപാലത്തിലായിരുന്നു അപകടം. ഷിഫ്നാസ് സഞ്ചരിച്ച സ്പെൻഡറും എതിർദിശയിൽനിന്ന് വന്ന യദു ഓടിച്ച ഡ്യൂക്കും തമ്മിലാണ് കൂട്ടിയിടിച്ചത്. വെൽഡിങ് ജോലിക്കാരനായ ഷിഫ്നാസ് സഹോദരനുമായി പുന്നപ്രയിലേക്ക് പോകുമ്പോൾ കാറിനെ മറികടക്കാനുള്ള ശ്രമത്തിനിടെയാണ് എതിർ ദിശയിൽ എത്തിയ ബൈക്കുമായി ഇടിച്ചത്. ബൈപാസ് ബീക്കൺ, കൺട്രോൾ റൂം, സൗത്ത് െപാലീസ് എന്നിവർ സ്ഥലത്തെത്തി പരിക്കേറ്റവരെ ആംബുലൻസിൽ വണ്ടാനം മെഡിക്കൽ കോളജ് ആശുപത്രിയിൽ എത്തിച്ചെങ്കിലും ഷിഫ്നാസ് മരിച്ചു. ഷിഫ്നാസിെൻറ മാതാവ്: മുംതാസ്. മറ്റൊരു സഹോദരൻ: ബാദുഷ.
