ചേർത്തല: ചേർത്തല തെക്ക് പഞ്ചായത്ത് അഞ്ചാം വാർഡ് അർത്തുങ്കൽ അറവുകാട് ഓംകാരാലയത്തിൽ എ.ജി. ശാർങ്ഗധരൻ (റിട്ട. റവന്യൂ ഇൻസ്പെക്ടർ -80) നിര്യാതനായി. എസ്.എൻ.ഡി.പി യോഗം അറവുകാട് 734ാം നമ്പർ ശാഖ പ്രസിഡൻറായി ദീർഘകാലം സേവനം അനുഷ്ഠിച്ചിട്ടുണ്ട്. പങ്ങപ്പറമ്പ് ദേവിക്ഷേത്രം പ്രസിഡൻറ്, ചേർത്തല വടക്കുംമുറി അറവുകാട് ദേവി ക്ഷേത്രം ഭരണസമിതി അംഗം എന്നീ നിലകളിലും പ്രവർത്തിച്ചു. ഭാര്യ: അമ്മു. മക്കൾ: എസ്. അമൃത് രാജ് (ചീഫ് സബ് എഡിറ്റർ, കേരള കൗമുദി, ആലപ്പുഴ), എസ്. ആനന്ദ് രാജ്. മരുമക്കൾ: പ്രീന (അധ്യാപിക, എസ്.സി.യു ഗവ. എച്ച്.എസ്.എസ്, പട്ടണക്കാട്), സൂര്യ (റെയിൽവേ).
