ചേർത്തല: നിർത്തിയിട്ട വാഹനത്തിന് പിന്നിൽ ബൈക്കിടിച്ച് ഇലക്ട്രീഷനായ യുവാവ് മരിച്ചു. ചേർത്തല തെക്ക് പഞ്ചായത്ത് എട്ടാം വാർഡിൽ കപ്പോത്ത് വെളി സത്യശീലൻ-സുശീല ദമ്പതികളുടെ മകൻ സഞ്ജു സത്യനാണ് (28) മരിച്ചത്. വെള്ളിയാഴ്ച വൈകീട്ട് 7.30ഓടേ കിഴക്കേ നാൽപത് ജങ്ഷന് സമീപമായിരുന്നു അപകടം. സഞ്ജു ജോലി കഴിഞ്ഞ് വീട്ടിലേക്ക് മടങ്ങുകയായിരുന്നു. താലൂക്ക് ആശുപത്രിയിലും തുടർന്ന് കോട്ടയം മെഡിക്കൽ കോളജ് ആശുപത്രിയിലും എത്തിച്ചെങ്കിലും രക്ഷിക്കാനായില്ല. സഹോദരി: സൗമ്യ.
