കുമരകം: ക്രിസ്മസ് ദിനത്തിൽ രാത്രിയിൽ കുമരകം ആർ.എ.ആർ.എസിന് സമീപം റോഡിൽ ബൈക്കുകൾ കൂട്ടിയിടിച്ച് യുവാവ് മരിച്ചു. കുമരകത്തെ റിസോർട്ട് ജീവനക്കാരൻ കുമരകം പള്ളിച്ചിറ ചെപ്പന്നുകരി ഭാഗം പുത്തൻപറമ്പിൽ ജിേൻറാ സെബാസ്റ്റ്യനാണ് (31) മരിച്ചത്. ശനിയാഴ്ച രാത്രി ഉണ്ടായ അപകടത്തിൽ പരിക്കേറ്റ് മെഡിക്കൽ കോളജ് ആശുപത്രിയിൽ ചികിത്സയിലിരുന്ന ജിേൻറാ ഞായറാഴ്ച പുലർച്ചയാണ് മരിച്ചത്. ക്രിസ്മസ് ദിനത്തിൽ രാത്രി 11.30ഓടെ കുമരകം കാർഷിക ഗവേഷണ കേന്ദ്രത്തിന് മുന്നിലായിരുന്നു അപകടം. ജോലിക്ക് ശേഷം വീട്ടിലേക്ക് മടങ്ങുകയായിരുന്ന ജിേൻറായുടെ ബൈക്കിൽ എതിർദിശയിൽനിന്ന് എത്തിയ ബൈക്ക് ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ തലയടിച്ചാണ് ജിേൻറാ വീണത്. നാട്ടുകാരാണ് ജിേൻറായെ ആശുപത്രിയിൽ എത്തിച്ചത്. മൃതദേഹം മെഡിക്കൽ കോളജ് ആശുപത്രി മോർച്ചറിയിൽ. കുമരകം പൊലീസ് കേസെടുത്തു. സംസ്കാരം പിന്നീട്.
