കോട്ടയം: റബർബോർഡ് മേൽപാലത്തിനടിയിൽ വയോധികനെ ട്രെയിൻതട്ടി മരിച്ചനിലയിൽ കണ്ടെത്തി. തിങ്കളാഴ്ച രാവിലെ നാട്ടുകാരാണ് പാളത്തിന് സമീപം മൃതദേഹം കണ്ടത്. തുടർന്ന് പൊലീസിൽ വിവരം അറിയിച്ചു. മൃതദേഹം തിരിച്ചറിഞ്ഞിട്ടില്ല. 65 വയസ്സ് തോന്നിക്കുന്ന പുരുഷേൻറതാണ് മൃതദേഹം. കറുത്ത പാൻറ്സും മുറിക്കൈ ഷർട്ടുമാണ് വേഷം. ഇയാളെക്കുറിച്ച് വിവരം ലഭിക്കുന്നവർ കോട്ടയം ഈസ്റ്റ് പൊലീസിൽ അറിയിക്കണം. മൃതദേഹം കോട്ടയം ജനറൽ ആശുപത്രി മോർച്ചറിയിൽ.
