മുഹമ്മ: ചലച്ചിത്ര സംവിധായകനും ശാലോം ടി.വി ചീഫ് പ്രോഗ്രാം പ്രൊഡ്യൂസറുമായ സിബി യോഗ്യാവീട് (61) നിര്യാതനായി. ഉദയ സ്റ്റുഡിയോയിൽ സഹസംവിധായകനായിട്ടായിരുന്നു തുടക്കം. കുഞ്ചാക്കോ, നവോദയ അപ്പച്ചൻ, ഫാസിൽ എന്നിവരോടൊപ്പം സഹസംവിധായകനായി പ്രവർത്തിച്ചു. 2006ൽ ശാലോം ടി.വിയിൽ ചീഫ് പ്രോഗ്രാം പ്രൊഡ്യൂസറായി ചുമതലയേറ്റു. ഗലീലിയൻ ഇൻറർനാഷനൽ അവാർഡും ദൃശ്യ ടി.വി അവാർഡും ചലച്ചിത്രകലാഗ്രാമം അവാർഡും ലഭിച്ചിട്ടുണ്ട്. ഭാര്യ: റാണി. മക്കൾ: ചാണ്ടി നാനാർ (ശാലോം ടി.വി ക്രിയേറ്റിവ് പ്രൊഡ്യൂസർ), അന്ന സിബി. മരുമകൾ: ജിൻസ (യു.കെ). സംസ്കാരം വെള്ളിയാഴ്ച വൈകീട്ട് മൂന്നിന് മുഹമ്മ സെൻറ് ജോർജ് പള്ളി സെമിത്തേരിയിൽ.
