കുമരകം: വെച്ചൂര്‍ അംബിക മാര്‍ക്കറ്റ് മാമ്പറഭാഗം ഹേമാലയത്തില്‍ പരേതനായ ഗിരീഷിന്‍റെ മകന്‍ ഗോപി വിജയ്യെ (22) കുമരകം പടിഞ്ഞാറ് ചിറയില്‍ ജലസേചന വകുപ്പിന്‍റെ സ്ഥലത്തെ മരത്തില്‍ തൂങ്ങി മരിച്ചനിലയില്‍ കണ്ടെത്തി. തിങ്കളാഴ്ച രാവിലെ 11.30 ഓടെയാണ് മൃതദേഹം കണ്ടത്. സമീപ ടൂറിസം വകുപ്പിന്‍റെ തകര്‍ന്ന കെട്ടിടത്തിലേക്ക് ഗോപിയും യുവതിയും കയറിപ്പോകുന്നത് കണ്ടതായി ചിലര്‍ പറഞ്ഞിരുന്നു. എന്നാല്‍, മണിക്കൂറുകള്‍ കഴിഞ്ഞിട്ടും ഇവര്‍ തിരിച്ചുവരാതായതോടെ നടത്തിയ തിരച്ചിലിനെ തുടര്‍ന്നാണ് സംഭവം പുറത്തറിയുന്നത്. കുമരകം പൊലീസ് മൃതദേഹം മെഡിക്കല്‍ കോളജ് മോര്‍ച്ചറിയിലേക്ക് മാറ്റി. യുവാവിന് ഒപ്പമുണ്ടായിരുന്ന യുവതിയെക്കുറിച്ച് വിവരമൊന്നുമില്ല.
