മണ്ണഞ്ചേരി: ബൈക്കിടിച്ച് സൈക്കിൾ യാത്രികൻ മരിച്ചു. ഫോംമാറ്റിങ്സ് കയർ ഫാക്ടറി റിട്ട. ജീവനക്കാരൻ മണ്ണഞ്ചേരി പഞ്ചായത്ത്‌ ഏഴാം വാർഡ്‌ കമ്പിയകത്ത് കെ.കെ. നാരായണനാണ് (70) മരിച്ചത്. വെള്ളിയാഴ്ച വൈകീട്ട് ആറോടെ ആപ്പൂര് കൃഷ്ണപിള്ള ജങ്ഷനിലായിരുന്നു അപകടം. പരിക്കേറ്റ നാരായണനെ ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ശനിയാഴ്ച പുലർച്ച മരിച്ചു. ഭാര്യ: പുഷ്പവല്ലി. മക്കൾ: അനീഷ് (കണയന്നൂർ താലൂക്ക്), മനീഷ. മരുമക്കൾ: സ്മിത മോൾ (ജില്ല കോടതി, ആലപ്പുഴ), രതീഷ്.
