ചങ്ങനാശ്ശേരി: കാര്‍ നിയന്ത്രണംവിട്ട് മതിലില്‍ ഇടിച്ചുമറിഞ്ഞ് യുവാവ് മരിച്ചു. വെങ്കോട്ട കുളത്തിങ്കല്‍(വേടഞ്ചിറയില്‍) ലാലിച്ചന്‍-സുബി ദമ്പതികളുടെ മകന്‍ ബോബിന്‍ കെ. ലാലിച്ചനാണ് (26) മരിച്ചത്. വാഴൂര്‍ റോഡില്‍ നടയ്ക്കപ്പാടത്തിനടുത്ത് ഇല്ലിമൂട്ടില്‍ ഞായറാഴ്ച പുലര്‍ച്ച രണ്ടിനാണ് അപകടം. ബോബിനൊപ്പമുണ്ടായിരുന്ന സുഹൃത്തിനും അപകടത്തില്‍ നിസ്സാര പരിക്കുണ്ട്. ചങ്ങനാശ്ശേരിയിലെ കേറ്ററിങ് സ്ഥാപനത്തിലെ ജോലിക്കുശേഷം മടങ്ങുമ്പോഴായിരുന്നു അപകടം. പരിക്കേറ്റ ബോബിനെയും സുഹൃത്തിനെയും ചെത്തിപ്പുഴ സെന്‍റ് തോമസ് ആശുപത്രിയില്‍ പ്രവേശിപ്പിച്ചെങ്കിലും ബോബിൻ മരിച്ചു. തൃക്കൊടിത്താനം പൊലീസ് നടപടി സ്വീകരിച്ചു. സംസ്‌കാരം പിന്നീട്. സഹോദരങ്ങള്‍: ലോബിന്‍, ലിബി.
