കാലടി: മറ്റൂരിൽ മധ്യവയസ്കനെ ഫ്ലാറ്റിൽ മരിച്ചനിലയിൽ കണ്ടെത്തി. എറണാകുളം കസബ പൊലീസ് സ്റ്റേഷനുസമീപം കട്ടിക്കാരൻ വീട്ടിൽ അജയ് ഡിസിൽവയെയാണ് (49) ചെമ്പിശ്ശേരി റോഡിലെ ഫ്ലാറ്റിൽ മരിച്ചനിലയിൽ കണ്ടത്. ഇയാൾ താമസിച്ചിരുന്ന മുറിയിൽനിന്ന് അസഹ്യ ദുർഗന്ധം വന്നതിനെത്തുടർന്ന് ഫ്ലാറ്റ് മാനേജർ പൊലീസിനെ വിവരമറിയിക്കുകയായിരുന്നു. തുടർന്നുള്ള അന്വേഷണത്തിലാണ് ഇദ്ദേഹത്തെ മുറിയിൽ മരിച്ചനിലയിൽ കണ്ടെത്തിയത്. വീട്ടുകാരുമായി അകൽച്ചയിലായിരുന്നെന്ന് പറയുന്നു. മൃതദേഹം പോസ്റ്റ്മോർട്ടത്തിന് എറണാകുളം ഗവ. മെഡിക്കൽ കോളജ് ആശുപത്രിയിലേക്ക് മാറ്റി.
