ചങ്ങനാശ്ശേരി: കാര്‍ നിയന്ത്രണംവിട്ട് ഡിവൈഡറില്‍ ഇടിച്ച് ബാങ്ക് ഉദ്യോഗസ്ഥന് മരിച്ചു. മാവേലിക്കര എസ്.ബി.ഐ ശാഖയിലെ ലൈഫ് ഇന്‍ഷുറന്‍സ് വിഭാഗം സീനിയര്‍ മാനേജര്‍ കായംകുളം പത്തിയൂര്‍ അക്കിരേത്ത് സുഭാഷ് ആര്‍. നായരാണ് (41) മരിച്ചത്. ശനിയാഴ്ച രാത്രി 11.30ന് എം.സി റോഡില്‍ ചങ്ങനാശ്ശേരിക്കടുത്ത് ളായിക്കാട്ടാണ് അപകടം.
കാര്‍ ഓടിച്ച മോഹിത്, ഒപ്പമുണ്ടായിരുന്ന ഷൈജു എന്നിവര്‍ക്ക് പരിക്കേറ്റു. മൂവരെയും കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും സുഭാഷിന്റെ ജീവന്‍ രക്ഷിക്കാനായില്ല. കോട്ടയത്തുള്ള സുഹൃത്തിന്റെ വീട് താമസത്തിന് പോയി കായംകുളത്തേക്ക് മടങ്ങുമ്പോഴാണ് അപകടം. ചങ്ങനാശ്ശേരി പൊലീസ് നടപടികള്‍ സ്വീകരിച്ചു. ഭാര്യ: പ്രിയ. കോട്ടയം മെഡിക്കല്‍ കോളജ് മോര്‍ച്ചറിയില്‍ സൂക്ഷിച്ച മൃതദേഹം പോസ്റ്റ്മോര്‍ട്ടം നടത്തി ബന്ധുക്കള്‍ക്ക് വിട്ടുകൊടുക്കും.
