മുണ്ടക്കയം: ദേശീയപാതയില്‍ അമിതവേഗത്തിലെത്തിയ ലോറി ഇടിച്ച് ബൈക്ക് യാത്രക്കാരനായ യുവാവ് മരിച്ചു. ഇളങ്കാട് മുക്കുളം മുസ്ലിംപള്ളി ഭാഗത്ത് തേവര്‍കുന്നേല്‍ ബിജു-രാധാമണി ദമ്പതികളുടെ മകന്‍ അനന്തുവാണ് (21) മരിച്ചത്.
തിങ്കളാഴ്ച രാവിലെ എട്ടോടെ ദേശീയപാതയില്‍ ചിറ്റടിക്കും ചോറ്റിക്കും ഇടയില്‍ നിര്‍മലാരം ഭാഗത്താണ് അപകടം. അനന്തു ബൈക്കില്‍ പാലായിലെ ജോലിസ്ഥലത്തേക്ക് പോകുന്നതിനിടെ എതിര്‍ദിശയില്‍ പാഞ്ഞെത്തിയ ലോറി ഇടിച്ചുതെറിപ്പിക്കുകയായിരുന്നു. തൊടുപുഴ സ്വദേശിയായ ലോറി ഡ്രൈവറുടെ ലൈസന്‍സ് റദ്ദ് ചെയ്തതായി സി.ഐ എ. ഷൈന്‍കുമാര്‍ അറിയിച്ചു. ആതിരയാണ് സഹോദരി. സംസ്‌കാരം ചൊവ്വാഴ്ച.
