ആലുവ: വീട്ടിൽനിന്ന് കാണാതായ വിദ്യാർഥിയെ ട്രെയിൻതട്ടി മരിച്ചനിലയിൽ കണ്ടെത്തി. അശോകപുരം മനക്കപ്പടി മുരിയാടൻ വീട്ടിൽ ജെയ്സൺ ജോർജിന്റെ മകൻ ഐസക്കാണ് (17) മരിച്ചത്. ചൊവ്വാഴ്ച രാവിലെ മുറിയിൽ കാണാതായതിനെത്തുടർന്ന് ആലുവ പൊലീസിൽ പരാതി നൽകി.
ഇതിനിടെ പുളിഞ്ചോട് ഭാഗത്ത് ട്രെയിൻതട്ടി മരിച്ചനിലയിൽ മൃതദേഹം കണ്ടെത്തുകയായിരുന്നു. ആലുവയിൽ സ്വകാര്യ സ്കൂളിൽ ഹയർ സെക്കൻഡറി വിദ്യാർഥിയാണ്. മാതാവ്: റെയ്മോൾ. സഹോദരങ്ങൾ: അനുപമ, ഐറിൻ, ആൽഡ്രിൻ.