കാക്കനാട്: ബസ് ബൈക്കിലിടിച്ച് യുവാവ് മരിച്ചു. കാക്കനാടിനുസമീപം അത്താണി മേച്ചേരിൽ വീട്ടിൽ അയ്യപ്പൻകുട്ടിയുടെ മകൻ എം.എ. അജയിയാണ് (22) മരിച്ചത്. ചൊവ്വാഴ്ച രാവിലെ 7.30 ഓടെ അത്താണി ഷാപ്പുംപടിക്ക് സമീപമാണ് സംഭവം. സുഹൃത്തിനെ വാഴക്കാലയിൽ കൊണ്ടുവിട്ട് വീട്ടിലേക്ക് മടങ്ങുകയായിരുന്നു അജയ്. കാക്കനാട് ഭാഗത്തേക്ക് പോകുകയായിരുന്ന ബസ് എതിർദിശയിൽ വരുകയായിരുന്ന സ്കൂട്ടറിൽ ഇടിക്കുകയായിരുന്നു. ഉടൻ തൃക്കാക്കരയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. ബസ് ഡ്രൈവർക്കെതിരെ മനപ്പൂർവമല്ലാത്ത നരഹത്യക്ക് കേസ് എടുത്തു. മാതാവ്: സുമതി. സഹോദരൻ: അനന്തു.