മട്ടാഞ്ചേരി: മത്സ്യബന്ധനത്തിനിടെ അപകടത്തിൽ പരിക്കേറ്റ് ചികിത്സയിലിരുന്ന മത്സ്യത്തൊഴിലാളി മരിച്ചു. ഗണപതി എന്ന മത്സ്യബന്ധന ബോട്ടിലെ തൊഴിലാളിയായ ബംഗാൾ സ്വദേശി ബ്രജ്നാഥ് ദാസാണ് (53) മരിച്ചത്. ഈ മാസം 24ന് കൊച്ചിയിൽനിന്ന് 13 നോട്ടിക്കൽ മൈൽ അകലെ പുറംകടലിലായിരുന്നു അപകടം. ബോട്ടിലേക്ക് വല വലിച്ചുകയറ്റവെ കപ്പി പൊട്ടി റോപ്പ് തലയിൽ വീണാണ് പരിക്കേറ്റത്. ബോട്ടിലെ മറ്റ് തൊഴിലാളികൾ ഉടൻ കരക്കെത്തിക്കുകയും എറണാകുളം ജനറൽ ആശുപത്രിയിൽ പ്രവേശിപ്പിക്കുകയുമായിരുന്നു. ശനിയാഴ്ച മരിച്ചു.